"Catch Cancer before it catches You"

 CANCER SAANI BIDINGO
100 MING AGANCHAKANIRANG  

1.      Maiko cancer ba be^.eno nadoe pari dakani ine minga?  

      Cancer be^.enni ning^.o cellni ong^. ronggija dal^. raroani ong a lako rate galjaode batrorona man^. a aro mandeko siata.  

2.      Cancer sabisi gipinoni maikai dingtanga?  

     Mandeni be^. eno an^. chini cell billionbatpile donga. Ian saani dongjaode apsan bimango donga. Jensalo cancer sana a^. bachenga, unon ia cellrang ta^. rake bariroroa aro tom dake lump ba ripomaniko ong^. ata, jekon Tumour ine minga.  

3.   Tumourrang badita rokom donga?                 

      Tumour-rang rokomgni donga, Uarang malignant ba siatna man^. gnigipa sabisi aro Benign ba kenani gri ong^. gipa ong^. a. Benign Tumour uan ramram be^. eno tom^. ani ong^. a. Uan be^. enni bakona batrorogipa sabisi ong^. ja.  

Malignant tumour uan, dal rorogipa aro be enni bakona giprorogipa onga.  

4.  Cancer batninggipa sabisi ong^. ama ba jelrorogipa ong^. ama?  

      Cancer ian batninggipa saani ong^. ja. Maina ian germ ba jo^. ongni disease ong^. ja.  

5.        Cancer ian an^. chini sabisi ong^. ama?  

Ong^. ja. Indiba cancerni cell an^. chi ja^. dil gita gipin be^. enni bakrangona re^. angna man^. a.  

6.    Maikai cancer batrikrikna man^. a?     

       Minggittam cholrang donga.  

(a)      Cancerni cellrang be^. enni bako an^. chi ja^. dilrang gita dingtang dingtang be^. enni bakranggona batrorona man^. a.  

(b)      Cancer be^. enni Lymphatic Stream gita lymph glandona re^. angna man^. a.  

(c)      Be^. enni tissue ge^. saoni ge^.saonaba direct batangna man^. a.  

7.        Badita cancer ta^. rake giprorona ba dal^.rorona man a?  

 Mitam bang^.e ru^.utgija adita antirango dal^.roroa aro mitam adita bilsirangni ja^.mano batrorona man^.a.  

8.    Cancer mingsa san ong^.gipa rokom sabisi ong^.ama?  

         Cancer ine aganon dingtang dingtang Malignant ba siatna man^.gninipa sabisi jean dalrorona man^.a. la sabisiko man^.ani dingtang dingtang rokomrang donga. Ia sabisiko man^.ani dingtang chin ba bewal donga, jekai be^.enni bako rang^.san jrlroroani aro ian gimaatgnipaba ong^.na man^.a aro siatnaba man^.a. Uni gimin dalrorona skang seng^.gnang sepangbatgipaona sannaniko daksona nanga. Dingtang cancer ge^.sa ge^.gipinoni dingtanga.  

9.    Na^.a cancer saode maikai agangen?  

       Cancer inon namen ka^.a be^.ani katta ong^.a maina skanggipao ian be^.enni sabisini chinko mesokani haida cancer sabisiko man^.naba donga indiba na^.a ma^.sikuja. Uko champengsona gita sanna bananiko daksona nanga aro bilsiantian niatrongna re^.na nanga.  

10.   Maikai doctor cancer ong^.a ine aganna man^.a?  

         Biopsy ka^.achi jekai on^.tisa be^.enni bakko microscopechi nianichi. Indiba badiaba bako mandeni bimangko nie nike aganna man^.a, indiba bon^.chotgipa ong^.ahoan uko namatpilna neng^.ani donga.  

11.    Cancer sabisi aro konchi ba leprosy nagrimgrikama?  

         Ian apsangrik ong^.ja. Konchi ian chonchongipa jo^.ongoni ong^.a. Cancer sabisini chin aro sanna bannaniko dakani namen dingtanggrikka.  

12.      Cancer ian da^.ororoni sabisi ong^.ama?  

           Bilsi 3000 B.C. Egyptni manderang itihaso tumour ba be^.enni ning^.o topgipa aro ‘ulcers’ ba be^.eno pari ong^.gipa, ‘Mummies’ ba manggisiko soatgija rakkiani uan Gizeb Pyramids-oniko nikna man^.a, jeon manderang grengni cancerko man^. a.  

13.       Biapni kri dingtang mandeo cancer saanirang ongna amama?  

            Oe, ian mandeni janggi tanganio badiaba cancerni bidingo dingtanggipa dake ong^.ata. Jekai ki^.sangkolni cancer, ka^.sopni cancer aro mandeni bigil ong^.gipa.  

            Jeon mongsongbate Britian aro U.S.A.-o ong^.bata. India a songo cancer sabisiko bang bata biaprango sko aro gitoko manrongbata. Mechikrang, bang bata somoio mechikni soko aro sa^.tipo ong^.rongbata.  

14.        Cancerko maikai man^.a ama ?  

Indiao sak 8 oni saksa sana man^.a. India a^.songo Lakh 12 manderang cancer saaniko man^.enga. La sabisi je bilsini bako ong^.na gita man^.a indiba ongbewal uan bilsi 50- ni dolo ong^.bata.  

What causes it  

15.    Cancer sabisiko maichi ong^.ata?  

          Ia sabisini ong^. baaniko ma^.sina gita neng^.ani ong^.a ian mingsa bak jekon carcinigens ine minga, uan cancer sabisiko ong^.atna dakchakgipa ong^.a.  

          Jekai, je manderangan sada biri ringa ba gue cha^.a uamang bang^.bate ka^.sopni cancer sabisiko man^.a altubata. Agangimin gita, biri cigarretna bate cancer ong^.atbat uan ongja. Una agre asbesstos, arsenic, pitch tar, ultra-violet rays, hormoneko ringanirang aro be^.eno initation ong^.atsimgiparang cancerko ong^.atna ama.  

16.     Cancer sabisi jo^.ongoniko man^.na amama?  

          Nie nike ma^.sie ra^.giparangni agana gita cancer ian jo^.ongoni ong^.ja.  

 17.     Cancer sabisiara on^.tisa matoani pa^.sikama?  

           Changsa mata bu^.aoni cancer ong^.rongja.  

18.      Maikai cha^.aniara cancerona nangrimea?  

           Mitim bang^.e cha^.anirang ki^.sangkolni cancerko ong^.ata, mongsongbate be^.enni mitimchi ong^.bata. Biterangko cha^.anichi cancerko champengna man^.a. Baring belati, e^.ching aro banda kobiba iako champengna man^.a ine mesoka. Gran donarangko aro tochi jo^.kraparangko cha^.nabe. Vegetarian ong^.e ia saaniko champengsobo.  

19.            Na^. Salantian cha^. Gija donggenchimode, okni cancerko man^.a amama? (Irregularity).  

           Uie nie ma^. Sie ra^.giparangni agana gita, cancer sabisi cha^.na ringna gisik nanggijagipao ong^.na altua indake ong^.ja, okni cancer je manderangan somoi gita ch^.a uamangba ong^.na ama.  

20.     Jal^. Ik sagipa cha^.anirangko cha^.anirangko cancer ong^.na man^.ama?   

          Ding^.atgipa cha^.anirangko cha^.o cancer ong^.na man^.ama inani maiba mesoke man^.gipa a^.selrang dongja, indaba food pipe aro okni cancerko ong^.atbata ine bebera^.anirang dongenga.  

21.      Pekgipa ringanirangko ringanichi okni cancer sabisiko ong^.atna man^.ama?  

          Pekgipa ringanirangko food pipeni cancer gitokni cancer aro liverni cancerko ong^.atbata.  

22.    Cancer ian man^.rikrikbagipa sabisi ong^.ama?  

         Ma^.gipa aro Pagipa ia saaniko man^.ode simsakna nangbata, indiba ian ma^.a paaoni man^.rikgipa ong^.rongja. Mitam saani cancerko man^.rikgipa disease ine aganna man^.a.  

23.    Cancer sabisi saksa sakgipinko ku^.dimgrikanichi ong^.na man^.ama ba mandeskabaksa ba matburung baksa nangrimgrikachi ong^.na man^.ama?  

         Ian me^.a aro me^.chik ku^.dimgrikanichi ba nangrimgrkanichi ia sabisiko man^.a indake ong^.ja ba mandeskamung robrinachi, dongbrinachi ba mande aro matburungmung robrinachi cancer sabisi man^.a ian ong^.na man^.ja.  

24.    An^.te naaoni cancer ong^.na amama?  

                     Cancer sabisi be^.enni je bako ong^.na man^.a indiba an^.teoni pil^.rongja.    

25.      Be^.enni kosako rimit rimit kaltapru dake tokgipa cancer ong^.atna man^.ama?             (freckless)  

         Ramram be^.enni kosako nakatgipa cancer sabisi ong^.na man^.ja. Indiba, mandeni be^.eno mongsongbate mikkango tangsim aro gisim dake me^.mang sodetarangsan dingtangani donggenchimode cancer ong^.na man^.a uni gimin taraken sepangbatgipaona sana bana man^.a.  

26.     Piles sagenchimode cancer ong^.na man a^.amama?  

          Ramram be^.enni kosako nakatgipa cancer sabisi ong^.na man^.ja. Indiba, mandeni be^.eno mongsongbate mikkango tangsim aro gisim dake me^.mang sodetarangsan dingtangani donggenchimode cancer ong^.na man^.a uni gimin taraken sepangbatgipaona sana bana man^.a.  

27.    Mandeni chanchibewalarangchi cancerko ong^.atna man^.ama?  

         Cancer sabisi an^.chini ning^.o donggipa cellni sabisi ong^.a. Indiba ka^.donggipa gisik saanirangko nambate sanatna dakchaka.  

28.    Radiation aro cellphone cancer ong^.atna amama?  

         Nangai nangjai bang^.e X-Ray ra^.anirangchi ia saaniko man^.ani chancerang bata.  

29.     Maikai cancer ong^.gnioniko champengsona man^.gen?  

          Cancer ong^.gnioniko ru^.uta somoirongna dingtang dake champengsona man^.a. Je be^.eni bako iu^.uta saaniko man^.genchimode mongsongbate, balwa, sal aro uandakgiparangoni champengsona naga. Bi^.sa man^.ani ja^.mano sa^.tipo maiba matani ba buani donggenchimode me^.chikni soksambengo topani dongode, gue pan cha^.aoniko komiatna man^.genchimode, a^.pal re^.anirangko tik ong^.gijaoni, kan^.dike agangenchimode be^.enni nomgipa bakko je sabisiko man^.gnioniko warachaksona krengode cancer sabisioniko warachaksona man^.gen.  

30.     Maiko ‘Precancerous Lesion’ ine minga?  

          Jean ong^.rongbewaloni dingtanggipa sabisi ong^.a, aro uandake ong^.angkuode, cancer sabisi ong^.dal^.roronaba man^.a.  

31.    Precancerous Lesionsni adita mongsongbatgipa ong^.ani?  

          Ian ku^.sik ning^.o gipokgipa, be^.en bigilo ran^.e ka^.kite dak mikkango donganirang, ku^.sik ning^.o wagamchi pari dakanirang aro fit ong^.gija dental plates rangko chatanirang aro me^.mang soditko irritate ka^.anirang aro bi^.sa man^.ani parirang jean nam^.e repair ka^.anirangko man^.jachim uarangoni ong^.na man^.a.  

32.    Ku^.sikni cancerna mai champengsoaniko dakna man^.a?  

         Ku^.sikni rongtale rakkijringna nanga. Ku^.sikko ba sreo gipokgipa natota dongode; sada ringaniko ba cha^.aniko dontongna nanga aro doctorna mesokena nanga. Wagamko nie tale kajana gita repair kana nanga.  

33.    Bigilni cancerko maikai champengsonaba warachakna man^.gen?  

Ba^.enni bigilo gisime natote aro An^.te, dake nadoe ka^.kitode, uko ra^.gale galna nanga. Bigilo dak donge kakitode, aro pari ong^.ode uko sansona nanga. Sal agre chakna nangja aro pari ong^.taitaiode name niatna nangna.

34.    Pilak me^.mang su^.dikako ra^.gale galna nangama?  

         Mandeni be^.eno me^.mang su^.dikgipa flat ong^.ginapa kenna nangja indaba tangsim dake aro gisim dake me^.mang su^.dika gita uan jensalo irritate ka^.ako man^.a ba ka^.kitode uko rate galna nanga. Je mandeni be^.enni bigilo An^.te gita nadogipa dingtang dake chong^.e ong^.engode nafogipa be^.enko rate galna nanga aro Pathologistchi uko mesokna nanga maina ian cancer ong^.na man^.amama (ba cancer ong^.a).  

35.     Diptheria ba Typhoid fevero gita immunity cancer saa ong^.na man^.ama?  

          Immunity germchi ong^.atgipa diseaseo ong^.na man^.a indiba cancero ong^.ja.  

36.     Maini gimin banga manderang gipinni cancer saanirangko man^.engon Doctorna mesokgija sengchengronga?  

          Mongsongbate cancer sabisiko ma^.sisamsoe kena aro basakoba ia saani bidingko uija. Mitam manderang mandeskana kratchanika an^.tangni cancer sabisiko sam on^.timgipana, ripengskana aro ba^.rimarangnaba dongnua. Indiba ian kragijani kam ong^.skaa.  

37.     Tuberculosis saenggipa mande cancer sabisiko man^.ama?     

                      Uan ong^.naba gnang. Tuberculosis saengigipa mandeba cancer sana man^.a.  

38.    Maini gimin an^.chi gipokgipa jekon White Corpuscles cancerko gimaatna man^.ja?  

         An^.chi gipokgipa mongsongbate kam ka^.anide uan be^.eno jo^.ong ba maiba sabisioniko champengsoani ba warachaksoani ong^.a. Uan jo^.ongrangko siata aro mata bu^.aoniko champengsoa. Indiba cancerni Cells-o mamung nangeani dongja.

39.     Maikai cancer sabisioniko champengna man^.gen?  

          Skanggipa, sepangbatgipa sanna bang^.gipaona cancerni maiba chinko ba be^.enni sabaani maiba chinko uisamsoani. Ta^.rake sannaniko dakode ua janggi tangbange dongna man^.gen.  

          Gnigipa, be^.enni chu^.gimikko tale saaniko nina nanga. Je me^.chikrang bilsi kolatchibonga ong^.tangni saa ding^.ako nirokna nanga.  

           Gittamgipao, saani a^.selrangko t^.rake sandianiko dakna nanga, jedakode chu^.onga gita sanna bananiko dakna man^.a gita.  

          Brigipao, cancer sabisni gimin ma^.sina gita piakchin gipangaha aro uni ong^.baani bewal ba a^.selara maikai ong^.achim, uni dingtang dingtang dake giproroani ba jelroroani aro cancer sabisiko a^.bachenge uiani aro chu^.onggipa sanna-babaniko dakanichi, cancer sabisioniko naljoksona man^.a.  

IV.   Maikai sandie man^.a?  

40.   Maikai na^.a cancer saaniko man^.a ine doctorna mesokgija aganna man^.a?  

        Cancer sabisioniko champengna gita be^.enni bidingo niate sannaniko dakna nanga aro mingsni sabisini chinko sandianiko donganiko sandiani. Cancer sabisioniko champengna gita na^.an skanggipa ong^.a, maina na^.a aro na^.asan, cancer sabaenganiko uisamsogipa ong^.a aro champengsona gita gisik on^.a.  

41.     Cancer saani chinko maikai uina man^.gen?  

          Cancer sabisiko uina gita mongsonggipa uiani chin donga. Ia uiani chinko mingsni kenbegnigipako uiani cancerni chin ine aganna man^.a.  

1)        Namningatna man^.gijagipa pari.

2)        Be^.enni je bako dal^.roroe ripomani uan, soko ong^.bata.

3)        Ong^.ronggijagipa an^.chi ong^.ani ba be^.enoni minus jokani.

4)        An^.te aro me^.mang so^.detrango dingtang ong^.banirang.

5)        Hojom ong^.gijanirang aro minokna man^.gijanirang.

6)        Ruute ku^.rang delani aro gusuani.

7)        A^.pal re^.ani bewal dingtangani.  

       Na^.a ia chinrangko man^.ode sanenggipa chinrangko gisik ra^.bo.  

42.     Sa^.dikani uan cancer sabaenganiko mesokama?  

          Ong^.ja. Grengni cancer ba ja^.dilo cancer ongosan sa^.dikachi a^.bachenga. Sa^.dikani uan ja^.manchakdugae ripomani ja^.mansa gipin bakni cancerrango ong^.a.  

43.    Maini gimin cancer saani a^.selrangko sandie aro seng^.gnang sananiko dakna nanga? 

        Ia sabisiko a^.bachengonin ma^.sina man^.genchimode, gipin be^.enni bakrangona giproanikoba champengsona man^.a aro operation ba chu^.soke ka^.na man^.a.  

44.    Doctorna mesokna skang badita route sengna man^.a?         

        Ru^.ute saenggipa mandeko seng^.gnang sanjaade kenani donga. Rang^.sanan sanenggipa doctorona re^.angna nanga aro chu^.gimik sandianiko dakna nanga.  

45.    Maikai somoi gita niatanirang namen gamchatbea?  

         Badita seng^.gnang na^.a cancerko sana inditan ta^.raken an^.sengpilaniko man^.a ama. Somoi gita uisamsoe seng^.gnang niatode a^.bachengoni cancer sabisiko namatna man^.gen.  

46.     Bano na^.a ia saa biatiko niatna man^.gen?  

          Cancer Society free check-up ko adita clinicrango ong^.atenga.  

47.     Be^.en gimikko niatanirang mairang ong^.a?  

          Mikronchi be^.en gimikko nie ra^.anirang. ka^.tong an^.chi ja^.dil aro ka^.sopko niani. Mikronchi niani aro jakchi rim^.e nianirangko ku^.sik, gingkoi, nachil ning^.ko, gitok ka^.tong, sok, sa^.tip aro ki^.songkolko nianirang. Nanga ong^.ode Microscopschi an^.chi aro su^.burangko aro ontisa be^.en ratako nina man^.a. Una agre micron su^.busik aro Prostatekoa gipin nianirangchi nina man^.a.  

48.      Check up ka^.e nianirang sa dikatama?  

           Check up kanta sa rangsa ra^.aia aro sa^.dikatja. Phone ka^.e mesokna bondobast ka^.na man^.a.  

49.    Maiko Mammography minga?  

        Mammography ian dingtangmancha sokko X-Ray ka^.e mesokna bondobast ka^.e niani.  

50.     Maiko Pap smear minga?  

           Ian papani Colour Test (ba Pap smear) jean sa^.tip aro cervixni cellko ra^.e Microscopschi nie uiani ong^.a. Doctor chona be^.enko raote nia. Ia testchi chone cancer a^.bachengakoba rim^.na man^.a.

51.     An^.chi ong^.anirang cancer a.bachengako me^.sokama?  

         Ong^.ja, indiba ta^.rake cancer ong^.ama ong^.ja niate nina nanga.  Sok ku^.teoni an^.chi ong^.ani cancerba ong^.naba ong^.a. Una agre ki^.sangkol aro su^.busikrangoni an^.cji ong^.anirangko name niatna nanga. Bi^.sa man^.ani ramaoni an^.chi ong^.anirang ong^.gija somoirango ong^.ode chanchichipna nanganirang ong^.kata.  

52.          Ki^.irango an.chi re^.chapanirang cancerko mesokama?  

          Ki^.irango an^.chi re^.chapanirangko aro gesime ki^.arangko name aro ta^.rake niatna nanga. Maina basakoba Piles ba haemorrhoids ine chanchiachi somoiko nosto ong^.ata.  

53.    Su^.buo an^.chi cancerko mesokama?  

          Ian ong^.naba ba ong^.janaba donga. Niatanirangchi niataniko man^.gen.  

54.     Cancer saarang be^.en an^.senggijagipa manderango ong^.batama?  

          Indake mamung mesokanirang dongja. Name jringjring niatronganirang ia saanirangko champengata.  

55.    Okni cancerko maikai rim^.a man^.gen?  

         Nambatgipa ian X-raychi niani. Barium Sulphateko okchi ringate nianio ok ning^.o sagipako niachi cancer donganiko uiata. Okningo donggippa chirangko bikote  niatanichiba uina man^.gen. Saani ru^.utahaode oko ripomakoba rim^.e uina man^.a.  

56.     Badia hospitalo ia saaniko niatna aro sananirangko nambate dakatna man^.a?  

          Tata Memorial Hospital , Bombay -a ian a^.gilsak gimikoba dalbatsranggipa hospitalrangoni gesa ong^.a. Iano Laboratory jekai microscopchi test ra^.e ba be^.enko rate nianirang X-raychi nianirang aro sanatanirang aro test ka^.e uigimin samrangkoba man^.na ama, aro sangipa Doctor aro Surgeonrangkoba man^.na ama.  

57.    Mai ostrorangchi cancerko niata?  

         Xerographs, d-rays, mammographs, thermographs, cat scanrangchi niatna jakkala.

 V.     Ia saaniko maikai sangen?

58.    Maikai cancerko sangen?      

         Iakon a^.bachengaonin, surgery ba rate operation ka^.anichi, Chemotherapy bas am on^.anichi, aro Cobalt therapychi sananiko daka.

59.   X-raychi sanani gimik rokomanti cancerna ong^.ama?  

        Ong^.ja sanani saani biing aro badia bako ong^.a uano pangchaka. Badiaba cancer X-raychi sananichi ong^.na man^.jawa uni gimin badiabade operation ka^.achi ba Hormone aro Isotopechi sananirangchi ong^.atna man^.skagen.  

60.   X-ray maikai cancer ong^.gipa ba^.enni bako kam ka^.a?  

       Name tik ong^.e on^.ode cancer ong^.gipa be^.enni bakkosan ong^.siate gale namgipa bakode agre nosto ong^.atja.  

61.   Brachy Therapy maia?  

        Ian Radiumko beji gita cancer ong^.gipa bakona aro sepanggipa be^.enni bakona su^.atani ong^.a aro raote galani ong^.a Radiumko bigilni cancero Den^.dape sananiko daka. Iako bangbate jakkalode chel^.aoniba X-ray gita sagipa bakona watatna man^.a.  

62.   Operation ba Surgery baditana dakchaka?  

        A^.bachenggipa somoio rate galani namen dakchaka. Plastic aro Reconstructive Surgery jechin be^.enko gapatpila ba namate donpilachim iarang da^.aroro namen chu^.sokaniko ong^.atenga.  

63.     Chemotherapy bas am on^.ani maia?  

          Chemotherapy ian sam ba Injectionrangke su^.ani ong^.a. da^.aloni gita ming 50 (sotbonga) samrang bate donga.  

64.     Cancer saaniko dontongatsrangna ba adita somoirangna dontongatna man^.ama?  

            Basakobade man^.a. Badiaba ka^.dongsrangna man^.gijagipaoba adita somoina dontongatna man^.a. Indiba ru^.utgijan sananiko ra chakjanaba donga.  

65.     Na^.a cancer saengnaba dongode maiko dakgen?  

          Rang^.san an^.tangko niatna re^.bana nanga.  

66.     Cancer Saoni nampilgipa ong^.ama?  

          85% na baten seng^.gnang sananiko dakode nampilatako Man^.a. Basakobade ru^.ute saani ja.manoba nampilataniko man^.a. Ian cancer rokkomni krio pangchaka.  

67.     Cancerko an^.sengsrangatako man^.aha ine aganna man^.genma? Indake ong^.genode badita somoirang nanggen?  

           Sanani ja^.mano bilsi 5 (Bonga) sataijahaode nakataiani chencerang dongbreja. Badiaba ong^.ronggijania bilsi chet, bilsi chikung aro bilsi kolgrikni ja^.mano ong^.taianikoba nikaha.  

68.      Cancer saoni an^.sengatako man^.ani ja^.mano gipin cancerko man^.genma aro uan apsan biapoma ba dingtang be^.enni bakoma?  

           Ian ong^.taina man^.a uni gimin an^.tangko niatrongna nanga maina ia saani apsan biapo ba dingtang biapoba nakatainaba donga.  

69.     Serumchi ba an^.chini badiaba bakchi cancerko sanna amama?  

           Serumkode jo^.ongchi saatgiparangnasa jakkala maina cancer saani jo^.ongchi ong^.ja.  

70.      Nonganirangchi cancerko sanna amama?  

Nonganirang saenggipa biapona ning^.tue napna man^.ja uni gimin chu^.sokna man^.ja.  

71.      Badiaba kamgipa samrang cancerko nosto ka^.atna man^.ama?  

           Nitrogen Mustard bisi ian ia sagipako nosto ka^.na man^.a ine mesoka.  

72.     Hormonechi sanani cancerko namatna man^.ama?  

          Ian me^.chikrangni sokni cancer aro e^.asarangni Prostateni cancero dakchakani ong^.a ine mesoka indiba namsrange uianirang chu^.sokkujaenga.  

73.    Immuno therapy mai ong^.a?  

         Ian be^.en an^.tangan cancer saaoniko champengsoani ong^.a.  

74.    Badia sanani gitalbatsranggipa aro chu^.sokbatsranggipa ong^.a?  

         An^.sengpilatani operation ba ratanirangchi aro X-raychi sananiko dakengoba samchi ba injectionchi jekon Chemotherapy minga uan sangiparangni jakkaltobatgipa ong^.enga. Badiaboa hormone and isotopechi sananirangko ong^.atenga indiba iachi namata ine aganna man^.kujaenga.  

75.    Cancerni bidingo poraie uie ra^.anirang apalbatengama? Indake ong^.ode baditana?  

         Uie ra^.anirang batrorobaenga. Indioba mai a^.selan ia saaniko ong^.atachim aro maikai uko champengna man^.gen uan mikkangchi chanchisoanisa ong^.aia. Chemistryo hormoneni bidingo poraie aro Physics radio activeko jakkalachi, surgeryo maikai Tumour ba pariko nambate rate galgen iarangko dakanirang ramako on^.baenga. Un baksan enzyme, genetics nutrition aro cyto chemistryrangkoba iani bidingo skie ra^.dapanikoba dakenga.  

76.     Baditana kingking namatako man^.gen?  

          85% na baten Tata Memorial Hospitalo sagiparang namatako man^.aha. Ta^.rake sanode an^.sengatani changgni bata.  

77.     Cancer saani jaman^.o gipinrang gita janggi tangna amama?  

          Ta rake sana bananiko dakode nambate janggi tangna man^.a. Saananiko ra^.enmitingon an^.tangin janggi tangrongani kamko kana man^.a.  

VI.   Me^.asarangni Cancer  

78.   Me^.asarangni cancer me^.chikrangni canceroni dingtangama?  

        Iano mamung dingtanganiko nikja.  

79.   Mai rokom cancerko me^.asarango me^.chikrangna bate nikbata?  

        Ku^.sikni Pharynx, esophagus, ok ki^.sangkol, larynx, bronchus, lung ba ka^.sop, kidney, su^.butip, bigil aro taningni cancer me^.asarango bang^.bate nika.  

80.    Biri cigarette ringanirang cancerko ong^.atama?  

         Iarang ku^.sikni aro ka^.sopni cancerko ong^.ata ine bebera^.a. Uni gimin iarangko gelon nambata.  

81.    Cancer me^.a me^.chikni roachi ong^.na amama?  

         Iani bidingo mamung seani dongja.  

82.     Prostateni cancer ong^.rongbatama? Badia bisio ong^.bata?  

          Prostateni cancer bilsi dal^.giparango ong^.bata. Me^.asarng ia saani mikrakna nanga dingtangmancha jemangan bilsi 60 (Sotdok) gapna am^.engachim. Name be^.e gimikko nianichi aro ki^.sangkol gita ostrochi nianichi ia saaniko rim^.a man^.gen.

VII.      Me^.Chikrangni cancer  

83.     Me^. Chikrang me^.asarangna bate canceroni sibatama?  

          Me^.chikrang sabata ine bebera^.aniara me^.chikrang sokni aro^.tiprangni cancer bang^.batani bidingo ong^.a. Me.asarang seng^.gnang rim^.a man gijagipa biaprango ongbatani gimin altue rim^.a man^.ja.  

84.     Ia saani bia ka^.gimin me^.chikrango ba bia ka^.gijagiparango ong^.bata?  

          Report gita bilsi 40 (Sotbri) ni ja^.mano bia ka^.gijagipa me^.chikrang bia ka^.gimin me^.chikrangna bate ia saanio sibata ine nika. Bia ka^.gijagipa sokni canceroni sibata aro bia ka^.gimin sa^.tipni canceroni sibata. Sangiparangni agana gita bi^.sa sok ^.kangimin me^.chikrango sokni cancer komibita indiba bi^.sa atchiao matabuanirang sa^.tipni cancerko bariata.  

85.     Soko lump ba ripomaniko mai ong^.gen nisoe somoi ra^.e dongo kenani dongama?  

          Oe, namen kenani donga. Somoian mongsongbatgipa ong^.a maina nampilnakgipa  ong^.oba sengachi gipin be^.enni bakona batangnaba donga.  

86.      Gimik soko ripomanian cancer ong^.ama?  

           Banggijarangsan cancer ong^.a. Ripomgipako chone rate niachi uina man^.gen.  

87.     Sokni cancerko champengsona maiko dakna nanggen?  

          Agre a^.ketgipa gananirang jean sokko sikpreta gita ong^.ata uarangko gannabe. Sakantian adha bilsiprako sangipachi niatna nanga. Sangipako maikai an^.tangni sokko nina nanga uko skie on^.china aganna nanga. Ja nikani ja^.mano jao changprak an^.tangan rim^.e nina nanga.  

88.     Na^.a maikai nang^.ni sokko nina man^.a?  

1)      Ainani mikkango nang^.ni pakkreko tom^.tomate chadenge sokni bimang aro dal^.a chonako nina nanga. Sok ku^.teni napkota ba bretakoba nina nanga aro ra^.na nanga. Sok samgnichikon tosusae nirongna nanga.

2)      Nang^.ni jak samgniko skoo done apsan nianiko jarike nina man^.a.

3)      (3) oni (8) ona na^.a soko ripomani ba chatdikaniko nirongbo.  

Palango ba a^.ao tue jakasani jakpongko balis ba towelni kosako done jakrani jaksi aro jakpachi sok kosakchipak aro ka^.sine sok ku^.techipakko name rim^.e nibo. Sok ku^.te samtangtangkoba name rim^.e nibo.  

4)      Apsan jako bil on^.en sok ning^.chipakkoba rim^.e nibo.

5)      Da^.o jakasani jakpongko ra^.one apsan jakchin pokkolko rim^.e nibo.

6)      Apsan bichin sok kosakchipak aro a^.palchipak rim^.dape nie, sok ku^.teoni jakpongchipakna rim^.dape nibo.

7)      Bon^.kamao sokni ka^.ma a^.palchipakoni sok ku^.teona rim^.dape nibo.

8)      Apsan dakanikon jakrani soknaba dakbo.  

89.     Sa^.tipni cancerko maikai champenggen?  

           Bi^.sa man^.ao mata buaniko jadokni gisepo name sike donbo. Bi^.sa man^.ani rama gita ong^.ronggija jokani ba an^.chi ong^.anirangko niatna nanga. Bilsi 35 ona kingking bilsio changprak niatrongbo uni ja^.mano bilsio changgni niatrongbro. Bi^.sa rama gita an^.chi ong^.anirang bilsi re^.angani ja^.mano rang^.san niataniko nanga.  

90.    Sa^.tipo pari (Febxoids) cancer ongna altuama?  

         Ian canceronasokrongbreja. 

VII. Bi^.sarangni cancer

91.    Bi^.sarango cancer saani ong^.rongoma?

         Je bilsioba ong^.na ama. Mikronni aro an^.chini cancerko bi^.sarango nikronga  

92.    Ma^.a parang cancer saachi siode bisarangba ia saaniko man^.rikama?  

         Indake ong^.ja. Banga nokrangon ma^.a pa cancer soaba bi^.sarangode dongja. Badiaboade nokdango ia saani dongjaoba jeba man^.a am^.a.  

93.    Cancer bi^.sarango dal^.giminrangna bate ta^.rake ong^.batama?  

         Indake ong^.ja. Ta^.rake ia sabsi dal^.roroani maidakgipa cancer ong^.a uano pangchaka.  

94.    Ta^.rake rim^.a man^.ode dal^.giparangna bate bi^.sarangni saaniko nam^.ningatna man^.genma?  

            Bilsini gita dintangani dongja. Ian pari badita dal^.a aro mai rokom unosa pangchaka.  

IX.  Cancer aro na^.a

95.     Maikai canceroni siaoniko komiatna man^.gen?  

          Mingbriko jarikanichi :-  (1)  Seng^.gnang rim^.a man^.achi aro sagiparang an^.tangtangko sangiparangchi name niatrongachi aro sangiparangba cancerko name uie sananirangko dakachi. (2)   Chu^.onggipa aro ta^.rrakgipa sananirangko sangiparangni dakachi (3) Gital aro nambatgipa sananirangko dakachi (4)  cancer maioni ong^.a uko rim^.a man^.anichi. Ia bon^.kamgipa minggni Laboratoryo Research ba poraie skie niachi ong^.na ama. Ian Indian cancer Societyni iako komiatna skie ra^.ani ong^.a.  

96.     Cancer ong^.atgipa ba kratcha^.aniko ong^.atgipa saani ongama?  

           Ian kracha^.atgipa saani ongja.  

97.     Ian gipin dalgipa saarangna bate koros ong^.atbatgipa saani ong^.ama?  

         Ian ong^.a. Indiba ian cancerni rokomo pangchaka. Tata Memorial Hospital tangka ra^.gija sananirangko gamna man^.gijagiparangna on^.a.  

98.    Maina^.gija ojahrang name skie uie ra^.aniko man^.a, indiba gipinrang cancerni bidingo uija.  

(1)         Bang^.gija ojahrang name skie uie ra^.aniko man^.a, indiba gipinrang cancerni bidingo uija.

(2)         Ong^.gipa sananiko man^.ani pal somoiko nosto ka^.e gala.

(3)         Nongani samrang cancerko namatna man^.ja.

(4)         Ojahrang tol^.mike sagiparangoniko tangka ra^.e asolgipa sananirangko chel^.ata.  

99.     Maikai ojahrangko asol sangiparangoni dingtangatgen?  

          Saoba ia saako namataniko an^.tangko dal^.e ra^.a ba advertise ka^.a aro uan medicalni gita ong^.joade ukoan quack ba ojah ine mingna man^.a, lako asol sangiparang dakrongja.  

100.    Cancer janggi tanganio kenatgipa ong^.ama?  

           Oe, na^.a uko sanjaode. Da^.ororo bangbata sagiparangan ia saaniko dakgrikchakenga aro gipinrang gita namgipa janggi tanganirangkoba tangenga.

Published and issued by STATE CANCER SOCIETY OF MEGHALAYA, for public interest.
For further information you may contact the Member Secretary of the Society, at the Cancer Detection Centre, Civil Hospital Shillong.
Phone : 0364-2500815 (O), Email : scsm@shillong.meg.nic.in